تصميم : نفاج الوداد كل العارفو مشتاقلك وعارفك لي مشتاقه

منوالقال اقفلو النفاج قطع حبل الوصال والحن
وعلاهو الجدار يا حلوه عاد تانى الوصال كيفن
حليلك يا صباح الخير وكت ورد الجنينه يفوح
متعود عليهو عليكى يا الشوفتك ترد الروح
حرمونا التلاقىة صبرت رغم انو القلب مجروح
وعايش بين طيوف الزكرى مشتاق والعيون يبكن
بكى القلب الملان اشواق وكت غاب وجهك الضواى
فوق الزكرى كم هدهدتو زين كترتلو اللولاى
فراق يا حبيبه وقد حطب نار الشجن جواى
سرج خيل الجنون قربت فوق صهواتا اركب اجن

رجع حصنت قلبى قريت حروف الالفه والاحساس
تليت من عن بداية الشوق ولامن جيت على الاخلاص
شويه الامل فى الريد وخفت حدة الوسواس
طردت الظن واظنو رحل وما ظنيتنى تانى بظن
كت العارفو مشتاق ليك وعارفك زيى مشتاقه
تعالى نيقن الاشواق بانو اكيد حا نتلاقى
بكره حا تتفتح ابواب ونفاج ريد وكم طاقه
واشوفك كل ليل وصباح يعود تانى الوداد والحن

بضاري الحسره في الترحال
واصد مجروح
براي بقدر ادس احزاني
جوه الروح
منو اليقرا السكوت بوضوح
وقت يعجز لسان البوح
يلقم غيرك التحنان
ويجهل ضجرك المفضوح
وقت عز الهجيع ينشر
خاطرك في الافق مطروح
اقيف واكتب علي باب الهوي المفتوح
حضرت بعد رحيل الشوق
لقيت هين الفرح مكتوح
متين ياليلي القي شليل
وافك درب الاسي المسنوح
يطول صبري يبقي جميل
وابني من الاماني صروح
تراك عارف هواك ماليني
يتخلل مسامي يسوح
مره علي الفرح يهديني
مره يشيل سعادتي يروح
قليبا بكتو الاغدار
معالمو من المحنه سفوح
مشاعرو تسابق التيار
معينو علي العليهو جموح
حنينو يحنن المسدار
انينو علي الليالي يدوح
شقاهو يشق غتا التزكار
ولا بيرحم مصيرو النوح
يزازيهو السراب رحراح
يرافيهو الغناء المبحوح
تكافيهو المظنه براح
اتاري مع العرق ملفوح
تعال عودني ما ارجاك
تعال ناير الجبين مطروح
مسرج خيل هواكا براك
منور جم ضلامي تلوح